Вайсковыя ўшанаванні нацыянальнаму герою Беларусі

У сувязі з выяўленнем на Замкавай гары ў Вільні парэшткаў паўстанцаў 1863-1864 гадоў, у тым ліку кіраўніка паўстання і нацыянальнага героя Беларусі Кастуся Каліноўскага, і перапахаваннем іх на могілках Роса, просім у цяперашней сталіцы краіны, за волю якой змагаліся паўстанцы, горадзе Мінску, аддаць ім вайсковыя ўшанаванні, арганізаваўшы артылерыйскі салют у дзень перапахавання.

Таксама просім прапапрацаваць з літоўскім бокам удзел роты ганаровай варты ў цырымоніі перанясення парэшткаў на могілкі. Беларусь мусіць паказаць свету і сваім грамадзянам, што ў ёй высока шануюць тых, хто стаіць за яе незалежнасць, нават перад асобай шматкроць пераўзыходнага ворага.